Canchon Dormoire - le P'tit Quinquin

A. Desrousseaux (1820-1892)

Écrite par Alexandre Desrousseaux (1820-1892) , employé aux contributions à la mairie de Lille, l'Canchon Dormoire paraît en 1853. C'est sous le nom du P'tit Quinquin qu'elle connaît le succès et devient l’hymne de la classe ouvrière.

Refrain

Dors, min p'tit quinquin
Min p'tit pouchin min gros rojin
Te m'fras du chagrin, si
Te n'dors point qu'à d'main

Couplet

Ainsi, l'aut' jour eun' pauv' dintellière
In amiclotant sin p'tit garchon
Qui, d'puis tros quarts d'heure, n'faijot qu'braire
Tâchot d'lindormir par eun' canchon
Ell' li dijot : Min Narcisse
D'main, t'aras du pain n'épice
Du chuc à gogo
Si t'es sache et qu' te fais dodo

Dors, min p'tit quinquin

Refrain

Dors, min p'tit quinquin…

Et si te m' laich' faire eun' bonn' semaine
J'irai dégager tin biau sarrau
Tin patalon d' drap, tin giliet d' laine
Comme un p'tit milord te s'ras farau !
J' t'acat'rai, l' jour de l' ducasse
Un porichinell' cocasse
Un turlututu
Pour juer l'air du Capiau-pointu.

Refrain

Dors, min p'tit quinquin…

Nous irons dins l' cour Jeannette-à-Vaques
Vir les marionnett's. Comme te riras
Quand t'intindras dire : Un doup' pou' Jacques
Pa' l' porichinell' qui parl' magas !…
Te li mettras dins s' menotte
Au lieu d' doupe, un rond d' carotte !
I t' dira : Merci !
Pins' comm' nous arons du plaisi !

Alexandre Desrousseaux

Refrain

Dors, min p'tit quinquin…

Et si par hasard sin maîte s' fâche
Ch'est alors Narciss' que nous rirons !
Sans n'n avoir invi', j' prindrai m'n air mache
J' li dirai sin nom et ses sournoms
J' li dirai des fariboles
I m'in répondra des drôles
Infin, un chacun
Verra deux pestac' au lieu d'un…

Refrain

Dors, min p'tit quinquin…

Allons serr' tes yeux, dors min bonhomme
J' vas dire eun' prière à P'tit-Jésus
Pour qu'i' vienne ichi pindant tin somme
T' fair' rêver qu' j'ai les mains plein's d'écus
Pour qu'i' t'apporte eun' coquille
Avec du chirop qui guile
Tout l' long d' tin minton
Te t' pourléqu'ras tros heur's de long !

la statue du chansonnier, à Lille, square Dutilleul, en bordure de la rue Nationale
réalisée par le sculpteur Eugène Dépléchin, elle fut inaugurée le 17 août 1902
La jeune femme chantant une berceuse à son enfant pour tenter de l’endormir
se sent protégée sous le buste du chansonnier

Refrain

Dors, min p'tit quinquin…

L' mos qui vient, d' Saint-Nicolas ch'est l' fiête
Pour sûr, au soir, i' viendra t' trouver
I' t' f'ra un sermon, et t' laich'ra mette
In d'zous du balot, un grand painnier
I' l' rimplira, si t'es sache
D' séquois qui t' rindront bénache
Sans cha, sin baudet
T'invoira un grand martinet.

Refrain

Dors, min p'tit quinquin…

Ni les marionnettes, ni l' pain n'épice
N'ont produit d'effet. Mais l' martinet
A vit' rapajé l' petit Narcisse
Qui craingnot d' vir arriver l' baudet.
Il a dit s' canchon-dormoire…
S' mèr' l'a mis dins s'n ocheinnoire :
A r'pris sin coussin
Et répété vingt fos che r'frain :

Refrain

Dors, min p'tit quinquin…

 

Cet hymne des gens du Nord a été interprété par le couple Line Dariel et Simons, repris par Raoul de Godewarsvelde et le 43e RI de Lille, sans oublier Line Renaud, à l’Elysée, devant le président de la République Vincent Auriol.

 

 

Pérenchies - église St Léger - sortie de la messe

 

 

 

 

la chorale St Léger de Pérenchies à la sainte Cécile, en 2005

 

l'AG 2006 - le bureau de la chorale St Léger

Pour en savoir plus : http://www.choralestleger.fr/alexandredesrousseaux.php

 

l'église Saint Léger des Sources

de Pérenchies (Nord) - janvier 2017

 

 

 

 

 

Merci, Jean-Louis ! http://morel-and-co.org
Compléments sur l'église :
https://fr.wikipedia.org/wiki/%C3%89glise_Saint-L%C3%A9ger_de_P%C3%A9renchies

 

 

 

http://www.stleger.info